20–23 қараша күндері Білім берудегі сапаны қамтамасыз ету жөніндегі Тәуелсіз агенттіктің (IQAA) басшылығы Asia-Pacific Quality Network (APQN) ұйымдастырған 2025 APQN Annual Academic Conference (AAC) және Annual General Meeting (AGM) іс-шараларына қатысты. Іс-шараның жергілікті ұйымдастырушысы Hong Kong Council for Accreditation of Academic and Vocational Qualifications (HKCAAVQ).
Конференция Гонконгта өтіп, 45 елден келген аккредитациялық агенттіктердің, университеттердің және ғылыми-зерттеу ұйымдарының 200-ден астам өкілін біріктірді. 2025 жылғы конференцияның тақырыбы «Жоғары білім сапасын арттыру үшін индустриямен ынтымақтастықты нығайту» болды, бұл жоғары білім мен индустрия арасындағы өзара іс-қимылды күшейтуге бағытталған өзекті үрдісті көрсетті.
Пленарлық отырыстар мен тақырыптық сессиялар барысында қатысушылар келесі мәселелерді талқылады:
- ЖОО-лардың жұмыс берушілермен және индустриялық серіктестермен ынтымақтастығын кеңейту;
- Микроквалификациялар мен икемді білім беру траекторияларын қоса алғанда, оқытудың жаңа нысандарының сапасы;
- Азия–Тынық мұхиты аймағындағы сыртқы сапаны қамтамасыз етудің өзекті үрдістері;
- Бағалау және аккредиттеу процестерін цифрландыру;
- Біліктіліктердің ашықтығын және халықаралық салыстырмалылығын арттыру.
IQAA өкілдері халықаралық ынтымақтастықты нығайтуға және өңірдің жетекші агенттіктерімен тәжірибе алмасуға бағытталған жұмыс сессияларына, пікірталастарға және іскерлік кездесулерге қатысты. Іс-шараға қатысу IQAA-ның APQN кәсіби қауымдастығындағы ұстанымын күшейтіп, алдағы серіктестік жобалардың перспективаларын талқылауға мүмкіндік берді.
Қырғыз Республикасы Білім және ғылым министрлігі
