«Білім сапасын қамтамасыздандыру бойынша тәуелсіз агенттігі» мемлекеттік емес мекемесі 16 қыркүйек 2019 жылы Үздіксіз кәсіби даму бюросында (АХҚО) "Цифрландыру арқылы трансформация: Университеттер және Сапаны Қамтамасыз ету" білім сапасын қамтамасыздандыру бойынша екінші Еуразиялық форумын өткізді.
Жыл сайынғы білім сапасын қамтамасыздандыру бойынша Еуразиялық форум – бұл жоғары білім саласындағы өзекті тақырыптарды талқылауға арналған алаң. Форум барысында 170 жоғары өкіл 42 қазақстандық жоғарғы оқу орындарынан қатысты, олардың қатарында ұлттық университеттер мен Назарбаев Университеті, және де сарапшылар, жұмыс берушілер және студенттер өкілдері.
Сонымен қатар іс-шарада алыс-жақын 6 мемлекеттен де қонақтар қатысты: Біріккен Корольдігі, Нидерланд, Ресей, Украина, Молдова және Қырғыстан. Бұл қазіргі білім беру қоғамдастығы мен еңбек нарығының цифрландыру мәселесіне үлкен қызығушылығын білдіреді.
Биылғы форумның тақырыбы кездейсоқ таңдалмады - Қазақстанды цифрландыру мемлекет дамуындағы маңызды факторлардың бірі ретінде танылды. Заманауи технологиялардың интеграциясы, инновациялық даму және технологиялық жаңарту білім беру жүйесіне, және де нәтижесінде сапаны қамтамасыздандыруға тікелей байланысты.
Іс-шара екі бөлімнен тұрды: панельді және параллельді сессиялардан. Іс-шара бағдарламасының бұл форматы барлық қатысушыларға цифрлық білім беру аясында өздерін қызықтыратын көптеген тақырыптарды қамтуға мүмкіндік берді.
Биыл негізгі спикерлер Жоғары білім беру сапасын қамтамасыз етудің Еуропалық реестрі (EQAR) президенті, профессор Карл Дитрих, Британдық аккредитация агенттігі QAA директоры Дуглас Блэксток болды. Форумға қатысушылар сапаны қамтамасыз ету саласындағы жетекші әлемдік сарапшылардан қажетті ақпаратты алуға мүмкіндік алды.
Іс-шараны аша отырып, «Атамекен» ҚР ҰКП Төралқасы Адами капиталды дамыту және бизнестің әлеуметтік саясаты комитетінің төрағасы Доскенов Талғат Қазкенұлы цифрландыру экономика дамуындағы басты бағыттардың бірі болғанын атап өтті. Үздіксіз кәсіби даму бюросының атқарушы директорының орынбасары Эльмира Сейдазимова өзінің құттықтау сөзінде барлық қатысушыларға форум жұмысында қызықты ілгерілеулер мен қызу пікірталастар тіледі.
Форумның пленарлық отырысын IQAA Бақылау кеңесінің төрағасы Жақсыбек Абдрахметұлы Кулекеев жалғастырды.
Satbayev University проректоры Искаков Ринат Маратұлының, IQAA президенті Каланова Шолпан Муртазқызының және BTS білім беру бөлімінің директоры Саясат Нұрбектің баяндамалары тыңдаушыларды үлкен қызығушылықпен қабылдады. Спикерлер жоғары білім беру мен сапаны қамтамасыз етудің қазіргі тенденциясы туралы пікірлерімен бөлісті. Қатысушылар өздерінің таныстырылымы кезінде жасаған пікірталастың арқасында барлығы «орнында қалу үшін жылдам жүгіру керек, бірақ бір жерге жету үшін, кем дегенде екі есе жылдам жүгіру керек» деген жалпы қорытындыға келді.
Шетелдік спикерлердің арасында Киев ұлттық құрылыс және сәулет университеті Инновациялық білім беру институты директорының ғылыми-педагогикалық жұмыс жөніндегі орынбасары, профессор, философия ғылымдарының докторы Олеся Линовицкая және Білім және ғылым саласындағы сапаны қамтамасыздандыру бойынша ұлттық агенттігінің (ANACEC) төрағасы, профессор, техника ғылымдарының докторы Андрей Кичук баяндамалар жасады. Сессия модераторы, Назарбаев Университетінің Жоғары білім беру мектебінің деканы, Сағынтаева Аида Қыстаубайқызы цифрлық білім беруді қамтамасыз етудің ерекшеліктері туралы пікірталас ұйымдастырды. Түстен кейін үш параллель сессия өткізілді, оның спикерлері Халықаралық ақпараттық технологиялар университетінің проректоры Тимур Фаридович Умаров, Ақпараттық-талдау орталығының білім беру статистикасы және ақпараттық жүйелерді қолдау департаментінің директоры Азат Тиштыбаев Ашенович, AlmaU бірінші проректоры, білім беруді дамыту Институтының директоры, Алмагүл Медихатқызы Қанағатова, Е.А. Букетова атындағы ҚарМУ Халықаралық ынтымақтастық бөлімі басшысы Минаева Елена Викторовна, Әл-Фараби атындағы ҚазҰУ Жаңа білім беру технологиялары институтының директоры Мусинова Асель Ахметовна, Халел Досмұхамедов атындағы АМУ «Бағдарамалық инженерия» кафедра меңгерушісі, IТ- орталығы меңгерушісі Габбасова Жанна Дуйсембаевна болды.
Параллель сессиялар барысында қатысушыларға форумның негізгі бағыты бойынша баяндамашыларға арналған тақырыптардың кең таңдауы ұсынылды, бұл әркімге өздеріне қажетті ақпаратты алуға және өздерін қызықтыратын сұрақтар қоюға мүмкіндік берді. Барлық сессиялар өте нәтижелі және интерактивті өтті, сонымен қатар қызықты пікірталастар тудырды.
"Цифрландыру арқылы трансформация: Университеттер және Сапаны Қамтамасыз ету Жүйелері" Білім Сапасын Қамтамасыздандыру Бойынша II жыл сайынғы Еуразиялық Форумның аяқтаушы спикері цифрландыру аясындағы жоғары білімнің қайта құрылуы туралы баяндаған Yessenov University ректоры Ахметов Берік Бақытжанұлы болды.
Форумды басқарған және пікірталастарды бастаған барлық модераторлардың кәсібилігін бөлек атап өткен жөн. Олардың арасында IQAA Аккредитациялық Кеңестің Төрағасы Ударцев Сергей Федорович, «Nazarbayev University Research and Innovation System» ЖМ кеңесшісі Сырғалиев Ержан Өмірханұлы, IQAA Аккредитациялық Кеңестің мүшесі, «Кәсіпқор» холдингі» КЕАҚ Басқарма төрағасының кеңесшісі Гамарник Геннадий Николаевич сияқты қазақстандық білім беру саласындағы елеулі тұлғалар болды.
Форумның бай бағдарламасы, баяндамашылардың қызықты баяндамалары мен қызу пікірталастар барлық қатысушыларға білім және сапаны қамтамасыздандыру саласындағы көшбасшылардан таптырмайтын білім алуға мүмкіндік берді.
Форум материалдары іс-шараға қатысушыларға қолжетімді және жеке электрондық пошта арқылы жіберіледі. Суреттер осы сілтеме бойынша қол жетімді: https://cloud.mail.ru/public/3WMx/3VZZV91FP.
Ministry of Science, Higher Education and Innovation of the Kyrgyz Republic
