IQAA Бақылау кеңесінің отырысы

2025 жылғы 21 ақпанда IQAA Бақылау кеңесінің отырысы өтті. Іс-шараға IQAA Бақылау кеңесінің мүшелері қатысты:

1. Кулекеев Жақсыбек Әбдірахметұлы – IQAA Бақылау кеңесінің төрағасы, профессор, Қазақстан Республикасы Президентінің жанындағы реформалар жөніндегі Жоғарғы Кеңестің мүшесі, Қазақстан Республикасы Президенті Әкімшілігінің Әлеуметтік-экономикалық реформаларды талдау және мониторингі орталығының мүшесі, Қазақстан Республикасы Үкіметінің жанындағы Жоғары ғылыми-техникалық комиссияның мүшесі, «ҚазМұнайГаз» ҰК» АҚ басқарма төрағасының кеңесшісі.

2. Балықбаев Такир Оспанұлы – профессор, Қазақстан Республикасы Ғылым және жоғары білім министрлігінің «ЮНЕСКО қамқорлығындағы Орталық Азия аймақтық гляциологиялық орталығы» ЖШС директоры.

3. Каланова Шолпан Муртазовна – профессор, IQAA президенті.

4. Тасмағанбетов Ғани Мерғалиұлы – Астана қаласындағы «EL DEVELOPMENT» ЖШС директоры, жұмыс берушілер өкілі.

IQAA президенті Шолпан Мұртазқызы Қаланова агенттіктің қызметі туралы, сондай-ақ IQAA стратегиялық жоспарын іске асыру нәтижелері туралы жылдық есеппен таныстырды.

IQAA білім сапасын қамтамасыз ету стандарттары мен әдістемелерін жетілдіру бойынша белсенді жұмысты жалғастыруда, әлемдік тәжірибемен интеграциялануға және Қазақстан Республикасының жоғары білім беру жүйесін жоғары деңгейде қолдауға ұмтылады.

Отырыста IQAA Бақылау кеңесінің жаңа мүшесі – профессор, физика-математика ғылымдарының докторы, Словенияның Жоғары білім сапасын қамтамасыз ету агенттігінің (NAKVIS) директоры, Словенияның саяси және мемлекет қайраткері, дипломаты, Словения Мемлекеттік ғылым агенттігінің бұрынғы директоры Франси Демшар таныстырылды. Оның IQAA қызметіне қатысуы өзара тиімді халықаралық ынтымақтастық пен жоғары білімді аккредиттеу саласындағы озық тәжірибе алмасудың жаңа перспективаларын ашады.